Chalfilha NGT thupekah ngenna siam kan tum: EFCC minister

Environment, Forest and Climate Change (EFCC) minister TJ Lalnuntluanga chuan, Chalfilh tlanga tourist resort chungchanga National Green Tribunal (NGT)-in thupek (order) a chhuah tawh chu tidanglam tura ngen an tum thu a sawi.

EFCC minister leh MNF adviser TJ Lalnuntluanga hian nimin khan Mizo Hnam Runah thu sawiin, Chalfilh tlanga sorkarin in a sak tawhte chu thla khat chhunga ṭhiata thianfai vek tura NGT-in November 17, 2021-a Mizoram sorkar a hriattir chungchang chu August 22-27, 2021 chhunga New Delhi-a a zinnaah Standing Councel leh Environment & Forest hotute nen sawiho a nih thu a sawi a ni.

TJ Lalnuntluanga chuan, Chief Minister duh dan angin NGT thupek âwih tho si a, Mizoram sorkarin hma a lak tawhnate ṭhiat loa thupek awm sa tidanglam turin NGT ngen ni se, an tih thu a sawi a, "Hemi chungchanga hma la nghal tur hian Siddesh Kotwal, government advocate, New Delhi chu kan hrilh nghal a ni," a ti.