SDVCA-in Chalfilha inte ṭhiah duh lo

Saitual District Village Council Association (SDVCA) chuan thuchhuah siamin, Chalfilh Vanzau tlanga Tourism department hmalaknaa in sakte chu ṭhiah loh an duh thu an tarlang.

SDVCA chuan, Chalfilh tlanga in ṭha tak tak sak a ni chu lawmawm an tih thu tarlangin, "Kan district chhungah mikhualte an lo kal ang a, kan district-in hmasawnna rahbi a rap ve thei tura kan ngaih laiin environment a tichhia tia tun hnaia National Green Tribunal (NGT) North Eastern Bench-in ṭhiat leh mai tura order a rawn tichhuak ta mai hi pawi kan ti tak zet. Ṭhiat lo tura Khanpui NGO hrang hrangte hmalakna hi kan thláwp tlat a, an hmalakna a theih ang anga pui turin kan inpeih reng a ni," an ti.