AMC in raltlante ṭanpui

Aizawl Municipal Corporation (AMC) hotute chuan mayor Lalrinenga Sailo hoin nimin khan khawchhak tlangdunga Myanmar buaina avanga rawn raltlante an tlawh.

Aizawl Mayor chuan, "Kan unau raltlante hi chhawmdawl an ngai em em a, pawl hrang hrang leh kohhran hrang hrangte'n chhawmdawlna thilpek an pe tawh a ni. Zofate Jerusalem, Aizawl khawpui enkawltute hian kan unaute hi a hmun ngeia kal a, chhawmdawlna pek hi kan mawhphurhnaah ngaiin kan kal a ni," a ti.

AMC hotute chuan raltlante camp panga - Zawlsei, Thekte, Khawbung, Vaphai leh Farkawn a mite tlawh an tum a, niminah an tlawh zawh hman loh avangin vawiinah an chhunzawm ang. Camp tinah hian blanket, solar light leh ei tur an pe dawn.