CM-in Finance Minister a káwm

Chief minister Zoramthanga chuan nimin khan Union Finance minister Nirmala Sitharaman chu a pisaah a kâwm a; Mizoram sorkarin mau hmanga lian tham taka hmalak a tum dan a hrilhfiah.

CM Zoramthanga hian Union Finance Minister hnenah hian mau hmanga hmalakna turah link road a pawimawh thu sawiin, ṭanpuina pe turin a ngen a; Nirmala Sitharaman chuan DPR mumal tak siam turin Chief Minister chu thurawn a pe niin sorkar thuchhuah chuan a tarlang.

Chief Minister chuan, HUDCO loan-a leiba, ZIDCO leh a hmaa housing atana state-in a lo batte chu sorkar laipuiin a theih anga rulhsak turin a ngen a; Finance Minister hian an lo ngaihtuah zui tur thu a hrilh a ni.

Chief Minister hi State Planning Board vice chairman H Ram­mawi, adviser to chief­ minister (technical) K Lalsawmvela, leh OSD to chief minister Rosangzualate'n an ṭawiawm.