Property House hawng

Aizawl North-I bialtu MLA Vanlalhlana'n a MLA fund a pek hmanga sak, Chaltlanga Property House chu nimin zing khan a hawng a; mipuiin ṭangkai taka an hman a beisei thu a sawi.

Vanlalhlana chuan, tun hnaia hmasawnna hna lian tham hlamzuih titih anga lang skywalk leh ropeway chungchang chu ho taka a hlamzuih leh mai a hlauh thu sawiin, "Kan rama hmasawnna hnathawhte ho taka a hlamzuih ṭhin avanga kan hmasawn theih lohna hi kan chhut chah a hun tawh a ni," a ti a; thil dik lo titute chu dan anga hrem zel an nih loh chuan ramin hma a sawn theih dawn loh thu a sawi.