Ráltlân chungchang sawiho

Nimin khan additional chief secretary JC Ramthanga hoin Chief Minister's Office conference hall-ah sorkar official, Task Group on Myanmar Refugees, Central YMA leh Human Rights & Law Network aiawhte'n Myanmar aṭanga Mizorama ráltlânte chungchang an sawiho.

Ṭhutkhawmah hian Myanmar aṭanga ráltlân rawn lutte chungchanga harsatna awmte leh hmalakna hrang hrang tarlan a ni a; duhthusam lo lai leh harsatna hrang hrangte awm mah se, sorkar leh tlawmngai pawlte thawhhona leh ráltlânte luhna khaw hrang hrang VC leh tlawmngai pawlte inpekna chhuanawm an tih thu an tarlang.

Dan leh thupek kenkawh chungchang te, ruihhlo leh sualna hrang hrang lo piang theite uluk zawka vil zui a ngaih thu sawi a ni a, a ṭul ang zela sorkar leh tlawmngai pawlte inráwn tlang turin thutlukna an siam a ni.