Ruihhlo avangin mi 29 an thi tawh

Excise & Narcotics department (END) chhinchhiah danin, kumin (June 26 thleng) chhungin ruihhlo avangin Mizoramah mi 29 in nunna an chan tawh.

Mizorama ruihhlo avanga nunna chan mi 29 zinga zinga 22 chu mipa niin, pasarih chu hmeichhia an ni. Ruihhlo thihpui tam ber chu heroin a ni a, mi 29 zinga 15 chu heroin vanga thi an ni. Nikum, 2017 chhung khan ruihhlo vangin, mipa 53 leh hmeichhia 12 an vaiin mi 65-in heroin avangin nunna an chan.

Hetihlai hian, END-in ruihhlo vanga thi an chhinchhiah ṭan hun, kum 1984 aṭanga June 26, 2018 thlengin ruihhlo vanga thi zat chu mi 1,496 an ni a, mipa 1,326 leh hmeichhia 170 an ni. Ruihhlo vanga thite’n an thihpui tam ber chu proxyvon/parvon spas niin, mi 1,167-in an thihpui a ni.