Thenzawl damdawi-inah 2019 chhungin mi 14 an thi

Thenzawl damdawi-in (community health centre)-ah kum 2019 chhung khan damlo 397 enkawl an ni a, mitthi 14 an awm. Damdawi-in panpui, casualty thlenpui hmaa thi mi 10 an awm bawk.

Thenzawl CHC chhinchhiah danin, kum 2019 chhunga an damdawi-ina mitthi 24 zinga 14 chu an enkawl laia thi an ni a, a bak mi 10 chu damdawi-ina dah luh (admit) hman loh an ni. Kum 40 hnuai lam thi mi paruk leh nausen thi pahnih an awm. OPD-ah hian nikum chhung khan mi 5,620 an inentir a, chu'ng zinga mi 397 chu admit an ni. Laboratory-a enfiah mi 3,173 leh x-ray hmanga en mi 641 an awm bawk.

Thenzawl damdawi-inah hian nau nei mi 81 leh naute kum 1 hnuai lam damlo mi 74-te damdawi-in awm man tumsak an ni.