Covid-19: November 2021 chhungin Positive 13,651, thi 66, chhuak 16,315

Thla liam ta, November 2021 chhung khan Mizoramah Covid-19 vei mi 13,651 hmuh chhuah a ni a, hripui vei dam tawh mi 16,315 chhuahtir niin, mi 66 an thi thung.

IDSP tarlan danin, November 2021 chhung khan Mizoramah swab sample 1,20,745 endik aṭanga Covid-19 positive hmuh chhuah mi 13,651 chu 11.31% a ni a, October thlaa hmuh chhuah zat 26,694 aiin 13,043-in a tlem zawk.

November thla chhung vekin hripui vei dam tawh mi 16,315 chhuahtir an ni a, hripui vei hmuh chhuah zat aiin chhuahtir zat mi 2,664-in an tam zawk. Covid-19 vanga thi mi 66 an awm a, a hma thla thum - August, September leh October thla tina thi zat aiin a tlem zawk a ni.

November 2021 chhunga Covid-19 positive hmuh chhuah tam ber ní chu ni 1 kha a ni a, mi 830 hmuh chhuah a ni. Hripui vanga thi an tam ber ní chu ni 18 kha a ni a, mi paruk an thi a; ni 11 leh 17-ah thi an awm lo thung.