Covid-19 vangin mi 500 thi tawh

Nimin khan tlai dar 5 thlengin Covid-19 vanga thi pahnih an awm a, November 29, 2021-a thi pakhat tarlan belh a awm bawk. An vai hian natna dang nei tel an nih thu sorkar thuchhuakin a tarlang. IDSP tarlan danin, nimin tlai dar 5 thlengin Mizoramah Covid-19 vangin mi 500 an thi tawh.

November 29, 2021 chawhnu dar 3:45 khan Vanlalruali (65), Khawruhlian chu Khawruhlian PHC-a a inentirnaah Covid-19 a vei tih hriat chhuah a ni a, hemi ní vek hian a thi a ni.

Nimin zing dar 8:15 khan Laldintluangi (48), Champhai Vengsang chu Champhai DCHC-ah a thi a; Covid-19 vei a ni tih November 20, 2021 khan hmuh chhuah a ni. HC Zungera (81), Sangau, Lawngtlai district pawh nimin chawhma dar 10:10 khan Lawngtlai DCHC-ah a thi a, Covid-19 positive a ni tih April 13, 2021 khan finfiah a ni a, DCHC-ah enkawl nghal a ni.