Governor-in Siaha a tlawh

Governor Dr Hari Babu Kambhampati chuan zan khat riak turin nimin khan Siaha a tlawh a; Circuit House Multipurpose Hall-ah Mara Autonomous District Council (MADC) leh Mizoram sorkar hotute nen an inkâwm.

Dr Hari Babu Kambhampati chuan, sorkar laipuiin scheme tam tak a siamte chu mipui chhawr ṭangkai theih tura puanzar a pawimawh thu sawiin, "Scheme-te hian mipui hnen a thlen a, mipuiin an chhawr ṭangkai theih nan mipui hnena awareness pek bakah, chak takin scheme-te kalpui ṭheuh ang che u," a ti a; Mizoram sorkar leh MADC hnuaia official-te chu inlungrual taka thawkho zel turin a chah.

Larsap hian kohhran hrang hrang, political party, tlawmngai pawl leh MADC hruaitute a kâwm a; Amôbyu Vaithie-a middle school a tlawh bawk. Governor hian vawiinah Chawngte a tlawh leh ang.