KHAWTHLIR

MPCC EM-in OB thar an pawm
Mizoram Pradesh Congress Committee (MPCC) Executive Meeting nimina Lal Thanhawla Auditorium-a ṭhukhawm chuan MPCC office bearer (OB) atana ruat tharte chu an pawmpui. MPCC OB thar turte chu president-ah Lalsawta, vice president-ah Lal Thanzara leh treasurer-ah Zodintluanga Ralte an ni a; December 17, 2021-ah official-a puan chhuah a ni dawn.

Thisen pe
KṬP, Zemabawk Branch chuan nimin khan an kohhran hall-ah thisen pek an huaihawt a, an member mipa 22 leh hmeichhia pariatte'n Synod Hospital tan thisen unit 30 an pe. KṬP, Chhinga Vengthlang Branch pawhin nimin khan an kohhran hall-ah thisen pek huaihawtin, Aizawl Civil Hospital tan thisen 22 an pe a, petute mipa 19 leh hmeichhia pathum an ni.

Mini kiosk thar
Health & Family Welfare department chuan Aizawla College Veng Local Council House chu RAT hmanga Covid-19 swab sample endik theihna hmun, mini kiosk atan a puang.