MJA-in Lalbiakthanga an chawimawi

Mizoram Journalist Association (MJA) chuan nimin khan Aizawl Press Club-ah tun hnaia Padma Shri dawngtu prominent journalist Lalbiakthanga Pachuau lawmpuina leh chawimawina hun an hmang.

MJA president Zonunsanga Khiangte chuan, Lalbiakthanga Pachuau chuan chhan hrang hrang avangin chawimawina dawn a phu tih a sawi a, “Journalist zingah hetiang chawimawina sang dawng awmchhun a ni a, a hnung zuitu kan awm leh ang em tih pawh hriat loh a nih avangin MJA chuan kan ngaihlu hle a ni,” a ti.

IPR director Lallianpuii pawhin thu sawiin, Lalbiakthanga Pachuau-in Padma Shri a dawnna category chu journalism, literature & education tih a ni nã a, social work lama a hnathawh pawh award dawnpui tham nia a hriat thu a sawi.

MJA chuan Lalbiakthanga Pachuau hnenah hian chawimawina thuziak leh Rs. 10,000 an hlàn a ni.