Ramri vengtute zinga mi thi

Siaha district-a Mi­zo­ram leh Myanmar inrìnaa Covid-19 laka invenna atana duty-te zinga mi, Nelson K Beizachhi (19) s/o K Thlachho, Khopai chu Pneumonia vangin June 14, Pathianni zan dar 11:45 khan Siaha District Hospital-ah a thi.

Thu dawn danin, K Beizachhi hi an khua aṭanga km. 4 vela hlá Tisi lui kama an khaw task force duty-na hmunah June 6-8, 2020 chhungin a duty a, a duty laia a dam loh avangin Tuipang damdawi-in panpui a ni. Tuipang aṭangin Siaha damdawi-inah hruai a ni a, Pathianni zan dar 11:45 khan a thi a ni.

K Beizachhi hi nimin chawhnu dar 2:30 khan vui a ni a, Mara pasalṭhate an vui dan angin thlah a ni. Vuinaah hian MADC leh district hotu eng emaw zat an tel.