Tunhnaiah Mission Vengthlangah Dengue vei mi 13 hmuh chhuah a ni

Tun hnaiah Mission Veng-thlangah Dengue vei mi 13 hmuh chhuah a ni a; kumin 2021-ah Mizoramah Dengue vei mi 71 hmuh chhuah a ni tawh.

Health department aṭanga thu dawn danin, tun hnai khan Mission Vengthlanga Dengue vei nia rinhlelh mi 14-te chu an thisen endik a ni a, an zinga mi pakuain Dengue an vei tih hmuh chhuah a ni.

Chumi hnuah mi 17-te thisen endik leh a ni a, chu'ng zinga mi pali chuan Dengue an vei a; a hmaa hmuh chhuah nen Dengue vei mi 13 an awm ta a ni. Mi 17 endik zinga mi paruk chu an negative a, mi pasarih erawh chu endik ṭhat tura tih a ni tih Mission Vengthlang Local Council secretary Zaithanmawia chuan Vanglaini palai a hrilh.

Mission Vengthlangah hian Aizawl West Chief Medical Office (CMO) leh State Vector Borne Diseases Control Programme (SVBDCP)-te'n hma an la a; December 2, Ningani khan khawtlang hruaitute nen thawkhoin Dengue laka inven dan turah mipui zirtirna an kalpui a, damdawiin hmun hrang hrang an phuh nghal a ni.