Mizoram MP-te'n Parliament-ah Covid leh ASF an sawi chhuak

Parliament session neih mekah Lok Sabha MP C Lalrosanga chuan Covid-19 donaah Mizoram sorkar pui turin sorkar laipui a ngen a; Rajya Sabha MP K Vanlalvena chuan Mizoramin African Swine Fever (ASF) avanga harsatna a neihte a sawi bawk.

C Lalrosanga chuan December 2, khan Parliament-ah thu sawiin, "Mizoramah Covid-19 vei an kiam chak thei lo a, state dang, a bikin hmarchhak state dangte nena khaikhinin Covid kai zat a sang lam a la ni zel. Chuvangin, sorkar laipui hian rálpui phiara min phiarpuia min dopui a ngai," a ti.

K Vanlalvena pawhin nimin khan Parliament-ah thu sawiin, ASF avanga Mizoramin a tawrhna hrang hrangte a tarlang.

Rajya Sabha MP chuan,Mizoram district 11-a khaw 271-ah ASF avangin vawk 29,800 a thih tawh thu a sawi a, "Hri kai rinhlelh vawk 10,380 tihhlum a nih tawh a, vawk thi zawng zawng hlut zawng chu cheng vaibelchhe 800 vel a ni," a ti.

Mihring ran vulh sing tél thihna chu kut hnathawktu miretheite tan chhiatna rapthlak tak, disaster leh natural calamity a nih thu sawiin K Vanlalvena chuan, ASF tuartute hnenah zangnadawmna pe turin sorkar laipui a ngen a ni.