ZPM party ṭhalaite'n thlâwp

Zoram Peoples Movement (ZPM) Ṭhalai chuan thuchhuah siamin, Tripura Kanchanpur Sub-Division chhunga Zàmpui tlang­dunga Bru dah duh lohna Joint Movement Committee-in an lantir chu an thlâwp thu an tarlang.

ZPM Ṭhalai chuan, Bru-te chu anmahni duh thua Mizoram chhuahsantu an nih thu sawiin, Tripura-a an awm hlenna tura Tripura sorkarin Zampui tlangdung vel a ruahman chu ṭha lo an tih thu an sawi a, "Zo hnahthlak unaute tan tunah leh nakin zelah harsatna lian tak a thlen theih dawn avanga he lai hmuna lo awm sate'n pawl hrang hrang an siam (Mizo Convention, Jampui Hill leh Nagarik Suraksha Manch, Kanchanpur) ten Joint Movement Committee dina duh lohna an lantir hi kan thláwp tlat a ni," an ti.

Bru-te Zampui tlangdunga an inbenbel lohna tura chief minister Zoramthanga'n Zo hnah­thlakte thlavâng hauha Tripura Chief Minister hnenah lehkha a thawn chu lawmawm an tih thu an sawi bawk a; CM chu na zawka Tripura sorkar nawr zui turin an ngen nghal a ni.