Covid-19 vangin mi 504 thi tawh

Nimin khan tlai dar 5 thlengin Mizoramah Covid-19 vangin mi pakjat a thi a, December 2, Ningani zanah mi pahnih an thi bawk. Mitthi pathumte chu natna dang nei tel an ni. IDSP tarlan danin, nimin tlai dar 5 thlengin Mizoramah Covid-19 vangin mi 504 an thi tawh.

Ningani zan dar 8:05 khan Thangzuala (88), Khumtung chu State Refferal Hospital-ah a thi a, Covid-19 vei a ni tih November 14 khan hmuh chhuah niin November 15 khan SRH-ah dah luh a ni. Ningani zan vêk dar 10:50 khan Lalṭhakimi (67), Ramthar Veng chu SRH-ah a thi a, hripui vei a ni tih November 11-ah finfiah niin, November 14 aṭangin SRH-ah enkawl a ni.

Ramthanzuala (61), Chanmari West pawh nimin zing dar 6:30 khan chu SRH-ah a thi a; Covid-19 positive a ni tih November 21, 2021-ah hmuh chhuah a ni a, SRH-ah dah luh nghal a ni.