Tun hnai kum ruk chhungin 2017-ah Mizoramah ruahtui a tla hnem ber

Directorate of Eco­nomics & Statistics buatsaih, Meteorological Data of Mizoram, 2017-in a tarlan danin, tun hnai kum ruk chhungin kum 2017 khan Mizoramah ruahtui a tla tam ber.

Kum 2017 chhung hian ruahtui tlak tam ber thla chu June niin, millimetre (mm) 534.2 a tla a, a tlak tlem ber thla January-ah chuan ruahtui a tla lo. Kum 2017 chhung veka ruahtui tlak tamna ber district chu Mamit niin, mm 3493.1 a tla a, a tlak tlemna ber Serchhipah chuan mm 1943.7 a tla a ni.

Tun hnai kum ruk chhunga ruahtui tlak tlem ber kum chu 2014 niin, mm 1821.20 a tla a ni.