Hawla bànna Sonia-i'n pawm

Congress Parlia-mentary Party chairperson Sonia Gandhi chuan December 4, Inrinni khan Mizoram Pradesh Congress Committee chhuak tur Lal Thanhawla hnenah lehkha thawnin, MPCC president aṭanga chawlh a dilna chu pawm a nih thu a hriattir.

Sonia hian kum tam tak chhunga a hnathawhte fakawm a tih thu a hrilh bakah, Congress Working Committee (CWC) member turin a sáwm nghal.

Hetihlai hian nimin khan AICC general secretary KC Venugopal chuan MPCC president atan Lalsawta ruat a nih thu a puang a, CWC member atan Lal Thanhawla ruat a nih thu a tarlang bawk.

Lal Thanhawla hian nimin khan amaha rinna nghata CWC atana ruat a nih avanga Sonia Gandhi chunga a lawmthu leh MPCC president thar Lalsawta a lawmpui thu a twitter-ah a tarlang.