Pawl pariatin thisen unit 402 an pe

December 4, Inrinni khan Mizoramah pawl pariatin thisen unit 402 an pe. PYD (Mizoram) chuan Civil Hospital, Aizawl Blood Bank-ah thisen unit 140 an pe a, mipa 108 leh hmeichhia 32 an ni a; November 27, 2021 khan unit 87 an lo pe tawh bawk.

Aizawl Civil Hospital Blood Bank-ah hian Mizo Arsenal Supporters Club-in unit 44, ṬKP, Bawngkawn Unit-in unit 16 an pe bawk a; KṬP, Dawrpui Bial pawhin an hmunah thisen pek huaihawtin, unit 94 an pe a, petute mipa 77 leh hmeichhia 17 an ni.

KṬP, Sihphir Bialin Diamond Jubilee pualin Synod Hospital tan unit 35 pein, petute mipa 26 leh hmeichhia pakua an ni a; KṬP, Chaltlang South Branch-in an kohhran hall-ah ZMC Blood Bank tan unit 24 an pe a, petute mipa 22 leh hmeichhia pahnih an ni. Krismas pualin KṬP, Champhai Zotlang North Branch-in unit 20 an pe a, petute mipa 19 leh hmeichhia pakhat an ni a; LIKBK Ṭhalai Pawl, Lawngtlai College Veng Bial pawhin unit 29 an pe a, petute mipa 28 leh hmeichhia pakhat an ni.