Azadi Ka Amrit Mahotsav pual inelna

Aizawl DC Office, Directorate of Women & Child Development, Women Helpline Mizoram, Mahila Shakti Kendra Aizawl leh One Stop Centre-te chuan December 4, Inrinni khan Azadi Ka Amrit Mahotsav pualin Electric Veng YMA Hall-ah Baking & Confectionery, Cooking & Flower Arrangement Competition an buatsaih a, Women & Child Development minister Dr K Beichhua'n a hmanpui.

Dr K Beichhua chuan, chhang ur, thil chhum leh pangpar khawia inelna chu Mizo nute thiam zawng tak a nih thu sawiin, "Ei leh in siam dan tuiin mi a híp a, mahni chhungkaw tan leh ram tan bakah, zin mite pawhin an ngaihsak leh ngaihven a ni," a ti.

Intihsiaknaah hian, baking & confectionery-ah Malsawmkima, Chhinga Veng, cooking-ah Malsawmkima, Chhinga Veng, flower arrangement-ah Vanlalhruaia, Durtlang leh slogan inphuah siakah K Khamthianmanga, Ramhlun Venglai-te pakhatna an ni.