Ráltlânte tan pawisa khawn rêl

November 4, Inrinnia Vantawng Group YMA Executive Committee ṭhukhawm chuan, Myanmar buaina avanga Mizorama rawn ráltlânte tan an huam chhunga in tinah an remchan leh phal ang tâwk pawisa khawn an rêl.

Vantawng Group YMA chuan an hnuaia YMA branch-te chu an khua/venga in tinah vehbûr khawn turin an ruat a, December 2021 chhungin khawn zawh hman ni se, an ti. Vehbûr khawn pah hian an huam chhung ṭheuha ráltlân awm zat an chhinchhiah nghal ang.

Vantawng Group YMA-ah hian Thenzawl khawpuia YMA branch pakua bakah, Zote South, Kanghmun South, Neihloh leh Buangpui branch-te a awm a ni.