Minister Lalchamliana'n a biala hnathawhte a en

Minister Lalchamliana chuan December 2-4, 2021 chhung khan a bial, Hrangturzo huam chhunga khaw ṭhenkhat - Búngtlang, Keiṭum, Hriangtlang, Khawlailung leh Hmunzawl khuate a tlawh a; hmasawnna hnathawh hrang hrangte a en bakah, khawtlang hruaitute a kâwm.

Lalchamliana chuan, inthlan dawnah party hrang hrangin chak tumin an bei ṭhin tih sawiin, “Inthlan a zawh tawh chuan khawtlang ṭhatna turin kan thawkho thei tur a ni. Mipui ta kan nih avangin min beitute leh min ṭan lotu zawng zawngte tan pawh kan ding tur a ni a, kan martar-te pawh khan chu chu an rilru a ni,” a ti.

Lalchamliana hian Keiṭum leh Khawlailung inkara Tuichâng lei dawh mek a hmunah a enfiah a, a huna lei dawh zo ngei tur leh inthlahdah loa hna thawk turin a chah. Hna thawktute chuan, March 2022-ah dawh zawh ngei an tum thu an lo hrilh.

Minister Lalchamliana hian a bial chhung khaw hrang hrang a tlawhnaah hian Aizawl lama kal harsate tan leh amah hmuh mamawhtute tan interview hun leh dilna thehluh hun a siam nghal a ni.