Thangmawia'n hnathawhte a enfiah

Human Resourse Develop­ment Board vice chairman L Thangmawia, MLA chuan December 3, Zirtawpni khan a biala Kawlkulh khua tlawhin, hmasawnna hna thawhte a enfiah.

L Thangmawia hian Anusha Projects-in CSR kaltlanga Kawlkulh dawmdawi-in tana Rs 5,90,000 man x-ray khawl leh result print-na khawl Rs 6,50,000 man an pek a enfiah a; x-ray khawl chu hman theiha peih a nih thuai theih nan chak taka hmalak chhunzawmsak turin a ngen.

HRD Board Vice Chairman hian MLA fund Rs 2,00,000 hmanga Vanchengpuia Sente zau agriculture link road laih mek te, PMGSY sum hmanga Changzawl kawng leh Vankal kawng siam mekte a tlawh a; kawlphetha megawatt 20 pe thei tur Vankal Solar Park-a hna thawh mek pawh a tlawh bawk a, harsatna dang a awm loh chuan kum 2022-ah siam zawh an inbeisei thu thawktute’n an lo hrilh a ni.