Rangkachak leh heroin man

Excise & Narcotics de­partment (END) chuan July 12, Ningani chhun khan rangkachak tlang 49, kg. 8.147-a rit an man a, a neitua puh K Lianhming­thanga (54) s/o K Roṭhuama, Ngopa, Champhai district nia inchhál an man tel nghal. Rangkachak leh Lianhmingthanga hi Directorate of Revenue Intelligence (DRI), Aizawl hnenah an hlan a ni.

END Anti-Narcotics Squad chuan Ningani chhun dar 11:30 khan Seling dáiah heroin gram 153 leh a neitua puh mi pathum - Goldena (25) s/o Thiamsanga, Zokhawthar, C Zothanpuia (35) s/o C Kapthanga (L), Veng­hnuai, Aizawl leh, Mal­sawmtluanga (33) s/o Lalhema, Bawngkawn, Aizawl nia inchhálte chu an man.

Ningani vêk chawhnu khan heroin gram 29 leh a neitua puh Lalruatkimi (31) d/o Lalrinawma (L), Kolasib Diakkawn nia inchhál an man a; heroin gram 25 leh a neitua puh Zosangpuii (32) d/o Biakzuala (L), Ruantlang, Champhai nia inchhál an man bawk.