ZPM din chhan - Zoram damlo tihdam

Zoram Peoples' Movement (ZPM) chuan nimin khan an pisaah an inkhawm a; thu sawi­tu, ZPM PAC member Rorelliana'n thu sawiin, ZPM din chhan chu Zoram damlo natna tuar mek tihdam a nih thu a sawi.

Rorelliana chuan, Mizoramin hmasawnna kawng zawh mek zel mah se, hmasawnna chu a nih tur angin a thleng lo hle nia sawiin mangan­thlak a tih thu a sawi a... Kan ngaihtuahna hmangin ram hlui zia kalsan a, kalphung thar anga ram rawngbawl hna kan thawh theih nan ke i pên ang u," a ti.

Hunserh hmangtu Rev. H Robawiha, ZPM Val Upa Council member chuan, Mizote chu Kristiannaah ṭhang duangin, lan danah mawi hlawm viau mah se, chhungrilah takna an tlachham niin a sawi a, "Kan ram hi Pathian ram atan kan siam a ngai. 'Ngai teh, fel taka rorel tur lal a lo awm ang a, dik taka ti ṭhin hotute an lo chhuak bawk ang' tih hi a thleng thuaiin ka ring," a ti a; chutiang chu Pathian mite ṭawngṭaina vangin a thlen ngei a rin thu a sawi.