Covid-19 vei hmuh belh lo
Zoram Medical College (ZMC) Covid-19 Laboratory-ah June 29, Thawhṭanni khan swab sample 531 endik a ni a, hripui vei hmuh chhuah an awm lo.
ZMC-a endikte chu - Aizawl district aṭangin 188, Lunglei district aṭangin pasarih, Champhai district aṭangin 133, Kolasib district aṭangin pathum, Serchhip district aṭangin pali, Mamit district aṭangin 34, Saitual district aṭangin 158, Hnahthial district aṭangin pathum leh Khawzawl district aṭangin pakhat a ni.
Lunglei Civil Hospital laboratory-a Truenat khawl hmangin mi 31 endik a ni bawk a, hripui lakah mi 30 an fihlim laiin, mi pakhatin a vei anga hmuh a ni. Positive hmuh chhuah hi Lungleia Dedicated Covid Health Centre (DCHC)-a enkawl lai a ni a, RT-PCR hmanga finfiah turin ZMC laboratory-ah endik nawn a nih dawn thu sorkar thuchhuah chuan a tarlang.