Minister-in New Market-ah pisa hawng

Commerce & Industries minister Dr R Lalthangliana chuan nimin khan Aizawl New Market-ah Mizoram Merchant Association (MIMA) pisa thar a hawng.

Dr R Lalthangliana chuan, MIMA-te’n tun hmaa bawlhhlawh leh ṭawp tak ni ṭhin tithianghlima felfai taka an siam chu lawmawm a tih thu sawiin, “He laiah hian tuna cheng vbc. 36 hmanga ruahmanna kalpui mek bakah, Smart City Project cheng vbc. 34 man tur ruahmanna dang a kal mek a, he lai vel atan hian cheng vbc. 70 project kan nei a ni,” a ti a; New Market chu Mizorama bazar lian ber a nih avangin sorkarin a ngai pawimawh tih a sawi.

Civil Hospital, Aizawl tâwt lutuk tur siam rem dan ruahman mek a nih thu sawiin Health Minister chuan, “Trauma Centre atan ruahman felfai tak kan nei tawh a, Civil Hospital tlak lam pang liam hmun ruak pawh doctor leh nurse-te quarters awmna tur mumal takin DPR kan siam mek,” a ti.

Bialtu MLA Robert Romawia Royte, minister of state pawhin thu sawiin, “Sumdawnna hi ram hmasawnna khalhtu a ni ber a, ram changkang a piangah sumdawng dinhmun a sang,” a ti a, sumdawngte chu an huang zauh zel turin a chah.