KHAWTHLIR

V/C MNF-ah lut
Champhai North constituency chhunga Khuangphah village council member pathumte chu July 14, Inrinni khan Dr ZR Thiamsanga'n MNF-ah a lawm lut niin MNF hotute'n an sawi. Thu dawn danin, V/C member MNF zawm tate chu - V/C president Vanlaldika (independent), vice president Paumuanthanga (Congress) leh Vandailovi (independent)-te an ni.

Thisen pe
Tuikhuahtlang Branch YMA chuan YMA Day pualin Inrinni khan blood donation camp an huaihawt a, mipa 25 leh hmeichhia 11-te'n Synod Hospital tan thisen unit 36 an pe. Mamit Hmunsam Bial KṬP pawhin Bial KṬP Meet vawi 22-na pualin Inrinni khan Mamit District Hospital-ah thisen unit 29 an pe a, a petute mipa 19 leh hmeichhia 10 an ni.

Rs. 2,08,100 hmu
YMA sub-headquarters, Serchhip chuan kumin June thlaa Serchhipa ruahsûr nasa vanga vanduaina tâwkte chhawmdawlna tura vehbûr a khawnah Rs. 2,08,100 an hmu a; ṭanpuina thawhtu zawng zawng chungah lawmthu an sawi tih an tarlang. Thawhlawm hi Serchhip khawpui chhunga YMA branch 21-in an thawh a ni.