Kulikawnin kut inthlak an dem

Kulikawn Local Coun­cil chuan thu­chhuah siamin, July 9, 2018 zana an veng pa, H Lalsiamliana'n an veng mi tho K Remsangpuia kut a thlak chu Kulikawn LC leh an venga tlawmngai pawl hrang hrangte'n pawi an tih thu leh an dem thu leh tun hnuah thleng tawh lo se an duh thu an tarlang.

Kulikawn LC thu­chhuah chuan, H Lal­siamliana chuan tun hma pawhin ṭhenawm khawvêngte a lo rîkrâp tawh ṭhin tih tarlangin, "Ṭhenawmte thlabárin a lo siam tawh tawh a, tun ṭum thil vanga man a lo nih takah chuan, a ṭul anga dan hmanga a chungah hremna lekkawh ngei ni se kan ti. Tun hnua inrîkrâpna thil thleng a awm leh a nih chuan Kulikawn khawtlang ṭangrualin a ṭul angin hma a la zel ang," a ti.