NEDP hnuaia ṭanpuina sem

New Economic Development Policy (NEDP) sum hmanga lei puanṭhui khawl 38 leh mistiri bungruate chu nimin khan Taitesena Hall, Kolasib-ah Kolasib bial chhunga kut hnathawktute hnenah bialtu MLA PC Zoram Sangliana'n a sem.

PC Zoram Sangliana chuan, sorkarin mi tê berte thleng phak policy a duang­ chu lawmawm a tih thu sawiin, "Rinawm taka hma la chuan chhungkaw hmasawnna atan an hmang chho mek a ni. Vawiina kháwl dawngtute hian mahni chauh ni lo, ṭhenawm khawveng tan luan chhuah nan hmang tel se malsawna a ni leh zual ang," a ti a; khawl dawngtute chu an khawl dawnte hmasawnna atana hmang ṭangkai turin a chah.