Pawngsualtu kum 12 táng dawn

Champhai District Court-a special judge R Vanlalena chuan, naupang kumtlinglo pawngsualtu Remsangpuia (23) s/o Ngurliankunga (L), Vaphai chu kum 12 chhung jail-a táng tur leh Rs. 3,000 chawi turin a hrem.

Remsangpuia hian naupang kum 6 mi pakhat chu mipat hmeichhiat­na lam hawiin a khuaikhem ṭhin tih report a awm a, chumi bawhzui chuan Champhai Police Station-in thil awm dan an chhui zui a ni. Police-te chuan an thil hmuh chhuahte Court-ah an thehlut a, Court chuan thubuai hi a ngaihtuah a ni.

Remsangpuia hian a thil lo tih tawhah a in­chhîr thu Court-ah a sawi a; Court chuan finfiahna hrang hrang leh thuhretute thusawi a ngaihthlak hnuin nimin khan thu­tlukna siamin, thiam loh a chantir ta a ni.

Special Judge chuan, hmeichhe naupang pawngsual tâwktu chu a phu tâwk zangnadawmna pe turin sorkar thuneitute a hriattir nghal bawk.