Minister-in hnathawh a enfiah

Minister of state K Lalrinliana chuan nimin khan a bial chhunga Kolasib Venglai leh Electric Venga MLA-LAD fund, excluded area grant leh Mizoram Finance Commission grant hmanga hmasawnna hnathawhte a enfiah.

K Lalrinliana chuan, Diakkawn leh Park-kâwn kawng laih zauh hna te, LAD road (Venglai kawnghnuai) kawng zauh leh lungrem te, Venglai bazar aṭanga Convent Road inpawhna kawng siam te, Venglai YMA dawr te, Ṭumpui venga step siam te, thlanmual hmuna tuizem leh waiting shed sak te, Ṭumpui M/S basketball leh backyard extension te, Electric Veng VC house sakte leh HT H/S thar sak ṭhat mekte a enfiah a ni.

Hmalakna leh hnathawh hrang hrangte chu a awmna veng mipui leh ram tana ro tling ni tura enkawl chhunzawm zel a pawimawh tih sawiin K Lalrinliana chuan, "A chhawr ṭangkaitu turte'n neitu thinlung pu chunga an enkawl zel a 

ṭul," a ti.