Afghanistan-a India palai Aizawlah

Ambassador of India to Afghanistan Vinay Kumar chuan July 16 khan ni li châm turin Aizawl a rawn tlawh a, nimin chawhma khan GAD secretary Ashish Kun­dra, Planning secretary Dr C Vanlalramsanga leh Commerce & Industries director J Hmingthanmawia te nen CS conference hall-ah an inkâwm.

Meeting-ah hian, Mizoramin Kaladan Multi-Modal Transit Transport Project a hman ṭangkai theih dan tur te, Mizoram leh a chhehvel ram dang, Bangladesh leh Myanmar inkara sumdawnna leh indàwr tawnna tihhmasawn theih dan tur te, rel kawng siam mek te, hydroelectric leh solar energy lama Mizoramin ke a pên theihna tur te, khualzinte hîpna lama hmalak dan turte leh Act East Policy kalpui dan chungchangte sawiho a ni.