Kolasib-ah MiMIR sawiho a ni

Nimin khan Kolasib DC conference hall-ah ‘My Project, My NEDP - Mipui Mamawh Inṭawm Ruahmanna' (MiMIR) chungchang ngaihtuahin District Level MiMIR Committee an ṭhukhawm a, member secretary Marilyn Rualzakhumthangi'n a kaihruai.

Meeting-a tarlan dan­in, MiMIR hnuaiah hian Kolasib district-ah concept paper 28 a lut tawh a, concept paper siam theluh nan hun a tlem deuh avangin concept paper la thelut ve lote tan hun hawn belh a ni. Concept paper thehlut tawhte pawhin an duh chuan an siamṭha/tidanglam thei dawn a, a thehluh hun hnuhnung ber atan July 20, 2018 an ruat.

District Level MiMIR Committee chuan, a ti ṭha zual 10 emaw 20 (concept paper luh tam dan a zirin) an thlang chhuak ang a, chungte chuan District Level MiMIR Committee hmaah a lem nen an concept paper an sawifiah dawn a ni.