Faina endiktute’n Serchhip tlawh

District khawpui fai inelna endiktu team-te chuan nimin khan Serchhip tlawhin faina leh thianghlimna kawnga Serchhip khawpuia hmalaknate an enfiah.

Fai inelna endiktu team-te hi Serchhip addl. DC Lalmuansanga hoin DC meeting hall-ah an ṭhukhawm a, Serchhip DUDO Lalzikpuii chuan faina kawnga hma an lakdan a lem nen a sawifiah.

Lalzikpuii chuan man chawia hman theih vantlang inthiarna hmun siam a nih thu te, vantlang hmuna bawlhhlawh a awm loh nan bawlhhlawh bawm ṭha tak dah a nih thu te , faina hnatlang a khat tawka neih reng a nih thute, bawlhhlawh sawngbawl dan chungchanga hmalak dante, bawlhhlawh thliar hran kalpui dan te, hmun lun lai te chu ni khatah vawi hnih phiahfai ṭhin anih thute leh plastic chhia sawngbawlna tur Plasticshredder an neih tawh thute a tarlang.