Mizoram sorkarin Pisa-a zawm tur ti chhuak

Aizawl district-ah Covid-19 hri vei an pun zel avang leh Mizorama hri vei tamna ber district a nih avangin Aizawl DC Dr Lalhriatzuali Ralte chuan sorkarin Covid-19 inkaihhruainate khauh zawka sorkar pisaa kalpui turin hriattirna a tichhuak.

Aizawl DC chuan officer leh staff-te chu office chhungah hmaituamna vuah vek tur a nih thu a tarlang.

Sorkar officer/staff-te hriattur
• Office-ah mask vuah ngei ngei tur a ni a, kut silfai/sanitize ngun ni bawk se
• Office-ah social distancing an vawngin, in hlat thei ang berin hna an thawk tur a ni. Tiffin eikhawm leh ṭhutkhawmte tih loh ni se
• Damlohna emaw in sawiselna an nei a nih chuan hotute hnenah in hriattir vat tur a ni a, hotute'n a ṭul ang zel in sorkar thuchhuah zawm chungin hma an la nghal tur a ni
• HoD leh HoO-te'n office kawtkaiah kutsilna tur emaw hand sanitizer emaw an ruahman ngei tur a ni. Office vawn fai leh tih thianghlim kawngah mawhphurtu an ni nghal ang
• Office-a lut turte'n kutsil/hand sanitize ngei ngei tur a ni
• Gate duty in office dawr turte hming, address leh contact number felfai takin a chhinchhiah tur a ni
• Office dawr turte'n social distancing uluk taka vawngin in hlat thei ang berin thawktute an dawr tur a ni
• Department emaw office dangte emaw nena indawr ṭulna thilah chuan email emaw electronic media dang emaw hman ṭangkai hram tur
• Thil zuar turte chu a theih chin chinah office chhungah luhtir loh tur a ni