ZPM-in ram rorelnaah Pathian ram tundin tum

ZPM working president K Sapdanga chuan ZPM dinchhan chu ram rorelna-a Pathian ram tundin a nih thu a sawi. He thu hi ZPM Sikpui Fehchhuah programme hmanga hmar tlangdung a tlawh mek naah a sawi a ni.

ZPM chuan sorkar tura an beihnaah kalphung thar an zawm tur a nih thu sawiin ZPM Working President chuan, “Bawlhhlawh taka vote zawngtu tan sorkar thianghlim din theih a ni lo. Pathian malsawmna kan beisei chuan a thu kan awih ngam phawt tur a ni,” a ti.

K Sapdanga chuan inthlan a hautak sawt thu sawiin, “Tuna kan ram dinhmunah chuan mi hausa leh neinung deuh tan lo chuan inthlanna chuh ngam pawh a ni meuh tawh lo a, hei hi kan siamṭhat a ngai a ni. Hetiang zêla kan kal a, ram roreltu atana ṭha tur aiin mi hausa leh neinungte chauh kan thlan zel chuan ram rorelna hi mi hausate kutah a tlu lut thuai ang,” a ti a, hausate chauhin an khelh theih politics a piang ang a, ram leh mipuiin an tawrh theih thu a sawi.