Puitling ziak leh chhiar thiam lo tan Bungtlang South-ah zan sikul din

Bungtlang South, Lawngtlai district-a sorkar hnathawk inzawmkhawm, Govt. Employee Association chuan puitling ziak leh chhiar thiam lote tan 'Zan Sikul' an din a, tunkar tìr khan hawn a ni.

Sikul hawn inkhawmah Govt. Employee Association chairman Daniel Sailo, Bungtlang South BDO chuan, "Lawngtlai district chhungah Bungtlang South block hi puitling ziak leh chhiar thiam lo tamna ber a nih avangin sikul hi din kan a ni. Kan hmalakna hian rah ṭha a chhuah ngei kan beisei," a ti.

Govt. Employee Association hruaitute sawi danin, sikul an din hma hian survey neih a ni a, Bungtlang South-ah hian puitling ziak leh chhiar thiam lo mi 150 vel hming lak khawm a ni. Bung­tlang South-a hma an lak zawhah an block huam chhunga khaw tinah hmalak chhunzawm a ni ang.

'Zan Sikul' ah hian tlawmngaia zirtirtu hna thawk tur mi pathum an awm a, zirtirtute chuan mi pakhat ziak leh chhiar thiamtir manah Rs. 300 zel an hlawh ang. Puitling ziak leh chhiar thiam tharte pawh lawmman pek tum a ni bawk.