Ṭul loah sorkar department 22-in Cheng nuai 23,733 an dil belh - CAG

Kum 2016-17 khan Mizoram sorkara department 22 chuan ṭul miah loah sorkarah sum an dil belh a, department 22-te sum dil belh belhkhawm chu cheng nuai 23,733.11 a ni.

Assembly Session hnuhnung bera tlangzarh tâk, Comptroller and Auditor General of India on State Finance-a tarlan danin, department 26-te hian a tira an budget atana ruahman sa an hman zawh loh laiin, sum an dil belh a; ṭul miah loa sum dil belh tam ber chu Medical & Public Health Services niin, cheng nuai 11,471.87 an dilh belh.

Medical & Public Health Services department hi an original provision chu cheng nuai 41,428.36 a ni a, cheng nuai 37,061.31 hmangin, cheng nuai 4,367.05 an hmang bâng a; mahse, supplementary provision cheng vbc. 11,471.87 an siam leh tho a ni.

Supplementary provision siam hnem ber dawttu chu Home department niin, an original provision chu cheng nuai 57,471.13 a ni a, an actual expenditure chu cheng nuai 55,096.52 niin, cheng nuai 2,374.61 an hmang bâng. Mahse, supplementary provision cheng nuai 4,396.53 an siam a ni.