Kayakalp chungchang inhrilhfiah

National Health Mission (NHM) chuan nimin khan Health Services directorate conference hall-ah 'Master training on Swachh Bharat Abhiyan cum External Assessors training for TOT of Kayakalp tools' an buatsaih.

Training hi NHM Wuality Assurance-a state nodal officer Dr Lalchhuanawma'n a kaihruai a; NHM-a state programme manager Dr Lalthantluanga chuan, Kayakalp chu kum 2015-a kalpui ṭan, damdawi-inte faina kawnga an inelna a nih thu leh, Kayakalp inelna avangin faina leh hriselna kawngah sorkar damdawi-inte'n nasa taka hma an sawn thu a sawi.

Training-ah hian district hrang hranga chief medical officer, senior medical officer, medical superintendent leh nursing lama hotute an tel a; NHM Quality Assurance-a consultant pahnih Dr Laldinpuii leh Dr Laltlanliani ten Swachh Bharat Abhiyaan leh Kayakalp Tools topic hrang hrang an zirtir a ni.

Kayakalp hmanga damdawi-inte faina lama an inelnaah hian kuminah chuan damdawi-inte chu checklist tehfung chi hrang hrang 300 chuang hmangin endik an ni a, 70% hmu tlingte'n lawmman an dawng ṭhin. Inelnaah hian category pathum a awm dawn a; district hospital pakuate an inel ang a, sub district hospital leh community health centre 11 leh primary health centre 57-te abn inel dawn a ni.