Larsap hoin LADC hotute ṭhukhawm

Nimin khan Raj Bhavan-a Lai Autonomous District Council (LADC) meeting neih a ni a, Governor Kummanam Rajasekharan-a'n a kaihruai.

Governor chuan, India danpuiin mipui harsatna sukiang turin thuneihna sang tak a pek thu sawiin, "Chung thuneihnate hmang chuan mi harsa berte dinhmun kan chawikan a ngai. Hna thawhna tur sum kan hmuhte'n a tum a thleng pha tur a ni a, hmasawnna hna hmanga harsatna sutkian dan kan ruahman a pawimawh," a ti.

Council inrêlbàwlna mumal leh rualkhai taka mawhphurhna sem te, a hun taka report thehluh leh mi dangte ngaihdan lakte a pawimawh tih sawiin Larsap chuan, LADC hotute chu an huam chhunga project thawh mekte chu neitu chanchanga a hmuna vil tur leh enfiah ṭhin turin a chah.

Meeting-ah hian LADC chhunga hna ruak hnawhkhah, Lawngtlai by-pass road, higher secondary school leh college-a science zirna awm lo, bawlhhlawh sawngbawlna, skill development, value addition, food processing chungchangte leh thil dang pawimawhte an sawiho a ni.