Serchhipah Legal Literacy Club hawng

Serchhip District Court-a Legal Literacy Club thar chu nimin khan Mizoram State Legal Services Authority (MSLSA) member secretary Vanlalenmawian a hawng.

MSLSA Member Secretary chuan, khawtlang hruaitute zingah judiciary hre hrang lo tam tak an awm ṭhin thu sawiin, "Chung mite hrilhhriat chu literacy club-te mawhphurhna a ni," a ti.

District hrang hrangah State Legal Services Authority-ten hma lain, dan hriatna kawngah mipuite mawhphurhna an zirtir mek thu sawiin Vanlalenmawia chuan dan inhrilhhriat kawnga hmala thei tur leh mite ṭanpuina kawng­ah pawh hna thawk thei tura theihtawp chhuah turin zirlai kalkhawmte a chah.

Chawhnu lamah Serchhip Para Legal Volunteer Workshop neih chhunzawm niin, Kolasib CJM Sylvie Ralte-in PLV-te mawhphurhna a sawi a, Zalen editor Vanlalrema Vantawl-in cyber crime chungchang sawiin, advocate Johny L Tochhawng-in social media nghawng neih theih dan chungchang a sawi thung.