Synod-in inkhawm tihtlem SEC zirchian turin an dah

Synod Inkhawmpui neih mekah nimin khan moderator Rev. Dr Vanlalnghaka Ralte hoin rorel chhunzawm a ni a, kohhran inkhawm leh leh inkhawm dangte tihtlem rawtna awm chu Synod Executive Committee (SEC) zirchian tura dah niin, SEC hian Synod-ah an zirchianna an thlen leh ang.

Kohhran Pathian biak inkhawm kalhmang chungchang pawh SEC kutah dah niin, Pathian hlutna leh pawimawhna inzirtir ṭhat leh chungchang chu tualchhung kohhrante'n an bawhzui theihna atan Synod-in ruahmanna siam rawh se, an ti.

Chanchin Ṭha thlen ni March 15 chawlha puang tura sorkar ngen chungchang chu ṭul loa ngaih a ni. Synod Inkhawmpuiah hian vawiinah rorel chhunzawm a ni ang.