CM leh NRF hotute inkawm

Chief minister Zoramthanga chuan nimin khan a pisaah, Northeast Frontier Railway (NFR) general manager Anshul Gupta leh NFR official dangte chu Mizoram an hmalakna leh hmachhawpte a sawipui.

CM Zoramthanga chuan Bairabi railway hmunhmaa kudam leh FCI kudam kalkawng chhe lutuk chungchang sawiin, railways ho hmunhma a nih anga ṭha taka enkawl turin a ngen a; Sairang thleng tur rel kawng siam mek chungchangah Mizo mipui mamawhna hre reng chunga theihtawp chhuaha hna thawk turin a chah bawk.

NFR hotute chuan bungraw hrang hrang Bairabi thleng phurh a theih dante an sawi a, Mizoram sorkarin Lunglei PRS service ti nung leh tura a dilna chu tihhlawhtlin thuai a nih tur thu an sawi.