Mizoram journalist-te Parliament-ah training

Parliamentary Research and Training Institute for Democracies (PRIDE) chuan December 9-10, 2021 chhung khan PRIDE Lecture Hall, Parliament complex-ah 'Training Programme in Parliamentary Processes and Procedures for Media Persons of Mizoram' an buatsaih a, Mizoram Journalist Association (MJA) member paruk leh IPRO paruk an tel.

December 9, Ningania training chu PRIDE director Dr Seema Kaul Singh-i'n a kaihruai a; Rajya Sabha Media Advisory Committee chairperson Rahul Shrivastava, Parliament Standing Committee on Labour chairperson Bhartruhari Mahtab leh Lok Sabha Secretariat additional director Partha Goswami ten thupui chi hrang hrang an zirtir.

Niminah training hi chhunzawm niin, MP Prof. Sougata Roy leh mi dang pathumin thupui chi hrang hrang MJA member leh IPRO-te an zirtir leh a ni.

Resource person zinga mi Bhartruhari Mahtab hi Odisha atanga MP a ni a, kum 1998 inthlanpui aṭangin chawlh awm loin Lok Sabha MP a la ni char char a, MP ni lai zinga senior berte zinga mi a ni.

Training-a telte hi Parliament House chhunga Parliament Library leh Museum-te fanpui an ni a; Lok Sabha session neih mek chhimtir an nih bakah, Parliament Press and Public Relations director MK Sharma nen an inkâwm a ni.