Ram pawn aṭanga hawte Khung hran an ni dawn

Aizawl DC Dr Lalhriatzuali Ralte chuan Health & Family Welfare department-in ram pawn (foreign)aṭanga rawn hawte khung hran (quarantine) dan tur chungchanga inkaihhruaina a tih-chhuah chu Aizawl district-ah a taka hman tur a nih thu a puang a, a theih chin chinah home quarantine kalpui tur a nih thu a tarlang.

Ram pawn aṭanga hawte khung hran dan tur
1. Entry Point-a RAT negative result nei, LLTF/VLTF aṭanga home quarantine/ community qurantine facility-a awm remtihna nei bawkte chu entry point-a medical duty-te’n HQ/CQF-a awm turin phalna an pe thei ang. A theih chin chinah HQ hi kalpui tur a ni
2. HQ-na tur nei remchang lote chu man chawia sorkar quarantine facility (GQF) - Tourist Lodge, Beraw Tlangah emaw CQF-ah emaw khung hran tur an ni
3. GQF-ah hian awm man leh ei leh in man mahni in tum tur a ni a, CQF chu LLTF/VLTF-te ruahmanna anga kalpui tur a ni ang.
4. Entry point aṭanga quarantine-na hmun tur pan nan hian mahnia lirthei in ngaihtuah tur a ni a, lirtheiah hian a hma leh a hnung in daidanna uluk taka siam tur a ni
5. Quarantine turte chuanna lirtheiah hian driver leh quarantine turte bak chuan phal a ni lo
6. Aizawl a cheng ni lo, district/khaw danga quarantine turte chu entry point aṭangin quarantine-na hmun tur an pan tlang tur a ni.
7. Entry point aṭanga mahni awmna district/khua pan tlang thei lo turte chu Aizawla GQF-ah ni sarih chhung an in khung hran hnuah RT-PCR negative result an neih chuan an district/khua an pan thei ang
8. Entry point aṭanga QF pan turte kal kawngah an chawl khawmuang tur a ni lo.