Mizoram Rahbi 4.0 buatsaih

Planning & Programme Implementation depart-ment hnuaia Entrepre-neurship Development Centre Mizoram chuan Entrepreneurship Deve-lopment Scheme (EDS) hnuaiah Mizoram Rahbi–Micro Start-up Capital Competition 4.0 a hawng.

Rahbi hi Mizoram chhunga mahni kutkawih sumdawnna bulṭan tawh leh bulṭan mekte telna tura ruahhman a ni a, December 10, 2021 - January 10, 2022 chhungin inziahluh theih a ni. Entry form leh instruction hi EDC Mizoram website www.edc.mizoram.gov.in ah download theih a ni.

Intihsiakna a inziak lutte chuan EDC Mizoram kaihhruaina hnuaiah sumdawnna ruangâm (business plan) siam dan leh soft skills-ah te workshop an nei dawn a, chumi zawhah an business plan hmang hian an intihsiak ang. A tiṭha zual tan an business plan aṭanga 75% (cheng nuai 7.5) thleng startup fund hmuh theih a ni dawn a ni.