Lungleia RT-PCR bun vangin lawm

ZPM Southern Hqrs. hruaitute chuan nimin khan an president C Lalhmingliana hoin Lunglei tourist lodge-a RT-PCR khawl bun thar chu a hmunah an tlawh a, Chhimbial mipuite tana hman theih tura buatsaih a ni ta chu lawmawm an tih thu an sawi.

ZPM hruaitute hian Lunglei Civil Hospital medical superintendent Dr SR Ngurchamliana kawmin, RT-PCR laboratory hman theiha install a nita chu lawmawm an tih thu hrilhin, “Chhimbial mipuiten ṭangkai taka kan hman ngei kan beisei,” an ti.

ZPM hruaitute chuan Lunglei khawpui leh chhimbial mipuite tana ṭangkai taka hman an nghahhlelh thu an sawi a, laboratory enkawltu tur doctor leh microbiologist-te chuan kumin chhunga hman theih ngei an inbeisei thu an hrilh.